На месцы катастрофы «Боінга» пачаўся пажар (Фота)
37- 21.07.2014, 15:57
- 52,570
Гараць рэчы загінулых.
На месцы катастрофы самалёта "Боінг-777" пачаўся пажар. Пра гэта паведамляе карэспандэнт "Украінскай праўды" з месца падзеі. Гараць рэчы загінулых.
Раней Пётр Парашэнка заявіў, што дагэтуль міжнародныя спецыялісты не маюць доступу да месца авіякатастрофы.
"Доўгіх 96 гадзін прадстаўнікі чакаюць, пакуль змогуць патрапіць на месца трагедыі і пачаць аб'ектыўнае і бесстаронняе расследаванне", - сказаў прэзідэнт Украіны.
Парашэнка даў даручэнне спыніць баявыя дзеянні ў радыусе 40 км вакол месца катастрофы самалёта "Боінг-777".
Прарасейскія сепаратысты перашкаджаюць правядзенню пошукава-выратавальных работ на падкантрольных ім тэрыторыях.
Прэм'ер-міністр Вялікабрытаніі Дэвід Кэмэран заклікаў прэзідэнта РФ Уладзіміра Пуціна забяспечыць доступ экспэртаў да месца катастрофы лайнера малайзійскіх авіяліній "Боінг-777" у Данецкай вобласці.
