Рада ЕЗ пашырыла санкцыі супраць Асада
- 22.07.2014, 12:33
- 2,904
У санкцыйным спісе ЕЗ супраць Сірыі цяпер знаходзіцца 192 чалавекі і 63 прадпрыемствы.
ЕЗ у аўторак дадаткова уключыў трох чалавек і дзевяць прадпрыемстваў у спіс санкцый супраць Сірыі, замарозіўшы іх актывы і забараніўшы ўезд у краіны Еўразвязу, гаворыцца ў камюніке Еўрарады, піша РІА "Новости".
"Улічваючы сур'ёзнасць сітуацыі ў Сірыі, Рада сёння ўзмацніла абмежавальныя меры ЕЗ супраць сірыйскага рэжыму. Санкцыі накіраваныя дадаткова супраць трох чалавек і дзевяці прадпрыемстваў за іх дачыненне да гвалтоўнага сціскання цывільнага насельніцтва або падтрымку рэжыму. Іх актывы будуць замарожаныя, ім будзе забаронены ўезд у краіны ЕЗ", - адзначаецца ў прэс-рэлізе.
Спіс асобаў, якія трапілі пад санкцыі, будзе апублікаваны ў Афіцыйным часопісе Еўразвязу ў сераду. Абмежавальныя захады ўвойдуць у дзеянне ў дзень публікацыі.
У санкцыйным спісе ЕЗ супраць Сірыі цяпер знаходзіцца 192 чалавекі і 63 прадпрыемствы.
Рада ЕЗ 31 траўня 2013 года ўхваліла санкцыі ў дачыненні да Сірыі, якія ўключаюць шэраг забарон на імпарт-экспарт, у прыватнасці, нафтавае эмбарга, а таксама абмежаванні ў дачыненні да інвестыцый, фінансавай дзейнасці і транспартнага сектара. У канцы траўня Еўразвяз прадоўжыў дзеянне эканамічных санкцый супраць Сірыі да 1 чэрвеня 2015 года.