Берасцейскія чыноўнікі прыдумалі схему для падману дольнікаў

З дапамогай фінансавай піраміды Берасцейскі гарвыканкам двойчы падмануў дольнікаў на мільярды рублёў.

Пра гэта ў лісце сайту charter97.org распавёў чытач.

«У фільме «Месца сустрэчы змяніць нельга» Жаглоў сказаў, што злодзей павінен сядзець у турме». Стужка была знятая даўно, але і ў нашы дні яе персанажы жывуць сярод нас. Так у Берасці была створаная фірма «Аблічча» для будаўніцтва жылых дамоў за кошт грашовых сродкаў дольнікаў. Калі фінансава-будаўнічая піраміда дасягнула свайго максімуму, «Аблічча» абвясцілі банкрутам. Але засталося шэсць недабудаваных шматпавярховікаў», - адзначае ён.

Чытач падкрэслівае, што паколькі працэсам будаўніцтва кіраваў мясцовы выканкам, то атрымліваецца, што і грошы дольнікаў былі скрадзеныя пад яго кіраўніцтвам.

«Але далей больш. Чыноўнікі пасля знікнення «Аблічча» прыдумалі хітры спосаб дабудаваць гэтыя дамы з прыцягненнем ААТ «Будтрэст №8». І гарвыканкам пачаў ствараць кааператывы ЖБВК. У выніку дамы дабудавалі, але за дабудаванне больш чым 100 кватэр чыноўнікі запатрабавалі даплаціць ад 2,5 да 8,6 мільёнаў рублёў за квадратны метр. Гэта значыць, атрымліваецца, што дабудова вялася не за кошт Берасцейскага гарвыканкама, а за кошт падманутых дольнікаў, якія ў выніку былі падманутыя двойчы», - падсумаваў ён.

Нагадаем, дырэктар фірмы «Аблічча» Мікалай Клімук быў арыштаваны 16 траўня 2012 года. Была распачатая крымінальная справа, у якой пацярпелымі былі прызнаныя 435 чалавек. Пазней суд прыгаварыў абвінавачанага да 8 гадоў калоніі ўзмоцненага рэжыму з канфіскацыяй маёмасці і пазбаўленнем права займаць пасады.