Ліга чэмпіёнаў можа знікнуць з расейскай тэлевізіі

Каментатар «НТВ +» Георгій Чарданцаў пракаментаваў прыняцце закона аб поўнай забароне рэкламы на платным ТБ.

«Я, як спажывец, супраць рэкламы. Не хачу глядзець, як рэкламуюць шкарпэткі і бог ведае што, што не мае дачынення да спорту, бо я ўжо заплаціў. У прынцыпе, логіка ў гэтым законе ёсць. Але дэпутатам, можа, не растлумачылі, што ёсць і спонсарская рэклама. У Лігі чэмпіёнаў, у тым ліку. І як Расея надалей будзе паказваць Лігу чэмпіёнаў, бо ні адзін федэральны канал кантракт на паказ гэтага турніру не пацягне. Расея наогул можа застацца без Лігі чэмпіёнаў, бо набор спонсарскай рэкламы абавязковы да паказу перад, у перапынку і пасля трансляцыі», - цытуе Чарданцава «Савецкі спорт».

Як нагадвае Gazeta.ru, кампанія «НТВ +» не расплацілася з РФПЛ за паказ чэмпіянату Расеі - 2013/14.