Беларускі лучнік здабыў «срэбра» на чэмпіянаце Еўропы
2- 26.07.2014, 18:41
- 4,566
Антон Прылепаў стаў срэбным прызёрам чэмпіянату Еўропы ў стральбе з лука.
Турнір сёння закончыўся ў армянскім Эчміядзіне, паведамляе БелТА.
У заключны дзень спаборніцтваў у фінальным спаборніцтве з нямецкім стралком Фларыянам Кахлундам беларус саступіў з лікам 1:7.
Для Антона Прылепава гэта другая ўзнагарода цяперашняга кантынентальнага першынства. Напярэдадні ён разам з Аленай Талкач здабыў бронзу ў мяшаным разрадзе, перамогшы ў фінаў Анты Теканіемі і Тары Куопа ў перастрэлцы - 5:4.
Папярэдні раз беларускія лучнікі траплялі ў лік прызёраў чэмпіянату Еўропы сярод дарослых у 2006 годзе.