Парашэнка прызначыў міністрам абароны міліцыянта
20- 3.07.2014, 14:00
- 20,373
Вярхоўная Рада Украіны зацвердзіла генерал-палкоўніка Валерыя Гелетэя на пасаду міністра абароны Украіны.
Шмат якія экспэрты мяркуюць, што змена міністра звязаная з тым, што былое кіраўніцтва Міністэрства абароны катэгарычна выступала супраць падаўжэння замірэння з сепаратыстамі і патрабавала актывізацыі АТА. Прэзідэнт Украіны і ягоны новы міністр замежных справаў Павал Клімкін выступаюць за новае замірэнне з Расеяй.
Біяграфія новага міністра абароны:
Валерый Віктаравіч Гелетэй нарадзіўся 28 жніўня 1967 года ў вёсцы Верхні Карапец Мукачаўскага раёна Закарпацкай вобласці. У 1990 годзе скончыў Івана-Франкоўскую спецыялізаваную сярэднюю школу міліцыі. У 1994 годзе - Украінскую акадэмію ўнутраных спраў.
1986-1987 гг. - служба ў войску.
З сакавіка 1988 года - служба ў органах МУС.
1994-2006 гады - супрацоўнік Управы барацьбы з арганізаванай злачыннасцю Галоўнай управы (ГУ) МУС у Кіеве.
Люты 2005 года – кастрычнік 2006 года - першы намеснік начальніка ГУ МУС.
16 кастрычніка 2006 года - 24 траўня 2007 года - кіраўнік Галоўнай службы ў пытаннях дзейнасці праваахоўных органаў Сакратарыята Прэзідэнта Украіны.
25 траўня 2007 года - 14 ліпеня 2009 года - начальнік Управы дзяржаўнай аховы Украіны
2 сакавік 2014 года выканаўцам абавязкаў прэзідэнта Украіны спікерам Вярхоўнай рады Аляксандрам Турчынавым Гелетэй быў зноўку прызначаны начальнікам Управы дзяржаўнай аховы Украіны.
2 ліпеня 2014 года Прэзідэнт Украіны заявіў, што будзе ўносіць у Вярхоўную Раду на пасаду міністра абароны кандыдатуру генерал-палкоўніка Валерыя Гелетэя.
3 ліпеня 2014 - міністр абароны Украіны.