Еўразвяз можа ўвесці санкцыі супраць РФ 16 ліпеня

Пра гэта міністр замежных спраў Вялікабрытаніі Уільям Хэйг даў зразумець міністру замежных спраў Украіны Паўлу Клімкіну падчас тэлефоннай размовы.

«Вялікабрытанія стаіць плячом да пляча з еўрапейскімі партнёрамі ў намаганнях забяспечыць дыпламатычнае развязанне канфлікту ва Украіне, але Еўрапейская рада дала зразумець, што мы гатовыя накласці дадатковыя санкцыі ў дачыненні да Расеі, калі яны не ў стане прыняць неабходныя меры для спынення вайсковых дзеянняў. Я заклікаю Расейскую Федэрацыю выкарыстоўваць свой уплыў на незаконна ўзброеныя групы і спыніць паток зброі і баевікоў ва ўсходнюю частку Украіны. Расея не павінна чакаць, што 16 ліпеня Еўрапейская рада пастановіць, што РФ не ў стане абараніць свае ўласныя межы», - заявіў Хэйг.

Нагадаем, 27 чэрвеня Еўрапейская рада прыняла пастанову, згодна з якой яна да 30 чэрвеня чакала ад РФ крокі дзеля дээскалацыі сітуацыі ва Украіне. У адваротным выпадку Еўрапейская рада прыгразіла ўжываннем дадатковых санкцый у дачыненні да РФ.

На 16 ліпеня прызначаная чарговая сесія Еўрапейскай рады.