Foreign Policy: Сустрэча ў Менску - прадвеснік уварвання РФ ва Украіну

Пуцін хоча бачыць у сусветных газетах лагодныя загалоўкі, каб бесперашкодна прадаўжаць свой курс на вайну.

"Ад Уладзіміра Пуціна нават суцяшэнне гучыць пагрозліва", - сцвярджае ў артыкуле для Foreign Policy (пераклад - Инопресса.ру) Майкл Вейс, рэдактар часопіса Interpreter.

"Расейскім бокам прынятая пастанова дзейнічаць. Нашая калона з гуманітарным грузам пачынае рух у кірунку Луганска", - заявіў МЗС РФ 22 жніўня. На думку Вейса, фраза "расейскім бокам прынятая пастанова дзейнічаць" - з той жа катэгорыі, што пагрозлівая заяву: "Нам трэба пагаварыць".

У пятніцу Міжнародны камітэт Чырвонага Крыжа праз "Твітэр" "цалкам дыстанцаваўся ад гэтага фіяска", піша аўтар, маючы на ўвазе расейскі канвой. "Мы не суправаджаем канвой праз нестабільную сітуацыю з бяспекай", - напісаў МКЧК у "Твітэры" на расейскай мове. "Аднак "Інтэрфакс" падаў словы Раісы Лукутцавай, кіраўніцы Расейскага таварыства Чырвонага Крыжа, што яна цалкам падтрымала пастанову Масквы накіраваць канвой". Інфармагенцтва RT Ruptly падало фота, дзе "выяўлены як мінімум адзін белы мінівэн, наступны за "КамАЗ" і які нясе на сабе прыкметную эмблему Чырвонага Крыжа", піша Вейс. Аўтар тут жа тлумачыць, што іншыя арганізацыі могуць выкарыстоўваць гэтую эмблему ў мэтах абароны. "Аднак Расея відавочна эксплуатуе той факт, што МКЧК першапачаткова ўдзельнічаў у перамовах аб канвоі, яна таксама неадназначна выкарыстоўвае папулярны сімвал", - гаворыцца ў артыкуле.

NATO назвала адпраўку канвою "відавочным парушэннем міжнародных абавязанняў Расеі". Афіцыйны прадстаўнік NATO Аана Лунгеску таксама пацвердзіла, што "супраць украінскіх узброеных сіл ужываецца падтрымка расейскай артылерыі - як трансмежная, так і з тэрыторыі Украіны". Лунгеску таксама сказала, што ў Данбасе дзейнічаюць "расейскія паветрана-дэсантныя сілы, СПА і спецназ".

"Журналістка "Громадьске ТБ" Насця Станко напісала на ўкраінскай мове ў "Твітэры", што 8 дэсантнікаў з расейскай Пскоўскай 76-й паветрана-дэсантнай дывізіі знаходзяцца ў цяжкім стане ў абласной лякарні Луганска, нетранспартабельнымі. 30 адправілі ў лякарню Растова. Што тут рабілі, не ведаюць", - гаворыцца ў артыкуле.

Вейс прадаўжае: у пачатку тыдня на поўдзень ад Луганска "была захопленая БМД-2, нібыта якая належыць Пскоўскай паветрана-дэсантнай дывізіі". Украінскі журналіст Раман Бачкала выклаў у "Фэйсбук" фатаграфію машыны і нешта, падобнае на часопіс вячэрняй паверкі Пскоўскай дывізіі. "Расея запярэчыла, што фармат гэтага канкрэтнага часопіса - пяцігадовай даўнасці і больш не выкарыстоўваецца", - адзначае аўтар, але тут жа паведамляе, што ў сярэдзіне жніўня з расейскага боку мяжы была заўважаная "іншая БМД-2".

18 жніўня Пуцін падпісаў Указ "Аб узнагароджанні ордэнам Суворава 76 гвардзейскай дэсантна-штурмавой Чарнігаўскай Чырванасцяжнай дывізіі". Ва ўказе гаворыцца, што дывізія ўзнагароджана "за паспяховае выкананне баявых заданняў камандавання і праяўленыя пры гэтым асабістым складам мужнасць і гераізм". Вейс каментуе: "Дзіўна, што Расея не прызнала афіцыйна, за якія "баявыя заданні" ўзнагароджваюць гэтых адважных жаўнераў". Мінабароны РФ адмаўляе, што на Украіне былі захопленыя якія-небудзь БМД-2 яго дэсантнікаў, адзначае ён.

"Аб расейскім паступовым уварванні першапачаткова не меркавалася апавяшчаць у форме афіцыйнага абвяшчэння вайны", - піша Вейс. На ягоную думку, прадвесце таго, што становішча на Усходняй Украіне хутка пагоршыцца, была гатоўнасць Пуціна сустрэцца з Парашэнкам 26 жніўня. Расея хацела бачыць у сусветных газетах мяккія загалоўкі, каб "бесперашкодна прадаўжаць свой курс на вайну", тлумачыць аўтар.