Прэзідэнт Украіны пачне свой візіт у Менск з сустрэчы з Эштан
4- 26.08.2014, 10:38
- 13,839
Прэзідэнт Украіны Пётр Парашэнка пачне свой візіт у Менск у аўторак з двухбаковай сустрэчы з вярхоўнай прадстаўніцай ЕЗ у замежных справах Кэтрын Эштан.
Як стала вядома агенцтву "Інтэрфакс-Украіна", сустрэча з Эштан пачнецца адразу ж пасля прылёту Парашэнкі ў Менск. Пляцоўкай для менскай сустрэчы прэзідэнта Украіны Пятра Парашэнкі і вярхоўнай прадстаўніцы ЕЗ у замежных справах Кэтрын Эштан абраная амбасаду Украіны ў Менску.
Пасля гэтага запланаваныя двухбаковыя перамовы з Лукашэнкам, а таксама шматбаковая сустрэча прэзідэнтаў Украіны, Расеі, Беларусі і Казахстана пры ўдзеле Эштан.
Пакуль невядома, ці адбудзецца ў рамках візіту двухбаковая сустрэча кіраўніка ўкраінскай дзяржавы з прэзідэнтам РФ Уладзімірам Пуціным.
Беларускі дыктатар сёння сустрэнецца ў Менску з прэзідэнтамі Рэспублікі Казахстан, Расейскай Федэрацыі, Украіны і высокімі прадстаўнікамі Еўразвязу.
Акрамя таго, запланаваны шэраг двухбаковых перамоваў.