Невядомыя скралі карціны з выставы ў Менску
11- 27.08.2014, 16:41
- 8,921
Рэпрадукцыі праекта «Аджылыя карціны» беларускага мастака Андрэя Смаляка ўпрыгожваюць горад з траўня.
Усяго вывешана 110 прац. Адна палова - мастацкія палотны, другая - іх копіі ў жанры фатаграфіі. Рэч у тым, што большасць вобразаў - гэта партрэты вядомых людзей Беларусі: Іны Афанасьевай, Ларысы Грыбалёвай, Дар'і Домрачавай, Максіма Мірнага, Яўгена Булкі, Дзядзькі Вані ды іншых, піша «Комсомольская правда в Беларуси».
Зладзюжкам прыгледзелася пано «Блакітныя вочы», на якім намаляваная спявачка Алеся. Астатнія тры выкрадзеныя палотны «Флейтыст», «Пасля балю» і «Верабейка» - гэта проста карціны, без вядомых вобразаў.
Работы даволі вялікіх памераў былі вывешаныя на агароджы парку Горкага ўздоўж вуліцы Фрунзе.
- Галоўнае, што ніякага злачынства не было. Гэта сапраўды не вандалізм, інакш карціны былі б сапсаваныя. Гэта відавочна канкрэтны зламыснік. Карціны акуратненька выразалі, і не побач, а на далёкай адлегласці адну ад адной. І гэта, безумоўна, злачынства, - мяркуе жонка мастака Андрэя Смаляка і адная з арганізатарак выставы Вольга.
Аб падрабязнасцях справы пакуль нічога не вядома, міліцыя вывучае абставіны і запіс відэарэгістратараў.
- Мы напісалі заяву. Чакаем, - пракаментаваў сітуацыю сын мастака Аляксандр.
Назаўтра пасля крадзяжу Смалякі размясцілі ў інтэрнэце аб'яву і паабяцалі ўзнагароджанне таму, хто дапаможа знайсці карціны.
Меркаванні карыстальнікаў інтэрнэту адрозніваюцца. Адны думаюць, што тое, што здарылася - гэта самапіяр мастака. Іншыя вінавацяць міліцыю - недагледзелі. Трэція асуджаюць варварскі менталітэт народа. Чацвёртыя заклікаюць хаваць творы мастацтва пад шклом.