Беларусі далі кірылічны дамен.бел

Чакаецца, што ўжо да канца гэтага года ўсе жадаючыя змогуць рэгістраваць даменныя імёны для сваіх сайтаў на расейскай і беларускай мовах.

Як паведамілі ва УП "Надзейныя праграмы", міжнародная арганізацыя ICANN адобрыла заяўку Беларусі на атрыманне кірылічнага дамена першага ўзроўню.бел. Са слоў дырэктар hoster.by Сяргея Павалішава, запуск дамена першага ўзроўню.бел будзе вялікім крокам у развіцці нацыянальнага сегмента інтэрнэту.

"Як тэхнічны адміністратар дамена.by мы разглядаем як важны чыннік, мець альтэрнатыўны нацыянальны дамен, які быў бы больш зразумелым для шырокага кола карыстальнікаў, здольны больш яўна адлюстраваць прыналежнасць сайта да Беларусі і зрабіць пэўны ўнёсак у развіццё беларускай культуры", - растлумачыў ён.