ЕЗ гатовы забараніць куплю дзяржаблігацый РФ

Еўразвяз плануе забараніць сваім грамадзянам куплю дзяржаўных аблігацый у Расеі.

Пра гэта паведаміў Reuters са спасылкай на трох прадстаўнікоў Бруселя, піша «Слон».

У сваю чаргу, канцлерка Нямеччыны Ангела Мэркель адзначыла, што хваля санкцый з боку Еўразвяза адмоўна ўплывае на эканоміку ФРГ, бо дзяржава знаходзіцца ў непасрэднай залежнасці ад імпарту расейскага газу.

Раней паступілі паведамленні аб тым, што ЕЗ падрыхтуе новы пакет санкцый на працягу тыдня, пра што заявіла афіцыйная прадстаўніца Еўрапейскай камісіі Піа Хансэн. Яна таксама адзначыла, што для сцвярджэння новых абмежавальных мер супраць Расеі пастанова павінна быць адобраная ўсімі дзяржавамі-ўдзельніцамі звяза.