Музыкі, танцоры і штукары выступілі ў цэнтры Гародні
1- 1.09.2014, 21:03
- 5,733
У Гародні прайшоў міжнародны фестываль вулічных культур Grand teatro.
На час імпрэзы цэнтральная пешаходная вуліца абласнога цэнтра ператварылася ў маленькі Арбат. Тут разгарнулася зачаравальнае тэатральнае дзейства, а вуліца, здавалася, ператварылася ў адную вялікую тэатральную пляцоўку, піша «Комсомольская правда в Беларуси».
Яна напоўнілася музыкамі, штукарамі, танцорамі, блазнамі і вулічнымі тэатрамі, якія паказвалі свае спектаклі. Напрыклад, экспэрыментальны тэатр EYE прэзентаваў сваю версію «Дон Кіхота», пад канец якога артысты засыпалі гледачоў мукой.
Гарадзенцам такі перфоманс прыйшоўся па душы, і яны самі ўзялі ўдзел у мучных баталіях.
А ўвечары на фестывалі можна было ўбачыць тэатр ценяў, выступ фаернікаў і начныя спектаклі.