За ноч войскі РФ пяць разоў абстралялі пазіцыі ўкраінскай арміі
3- 10.09.2014, 9:36
- 6,875
Мінулай ноччу расейска-тэрарыстычныя войскі ізноў праявілі актыўнасць, груба парушаючы ўмовы перамір'я.
Пра гэта на сваёй старонцы ў сацыяльнай сетцы «Фэйсбук» паведамляе каардынатар групы «Информационное сопротивление» Дзмітрый Тымчук.
З ягоных слоў, зафіксавана не менш за 5 абстрэлаў пазіцый украінскіх войскаў. «У прыватнасці, двойчы з РСЗА БМ-21 «Град» былі абстраляныя пазіцыі сілавікоў блізу н.п.Тоненькае. З ужываннем артылерыі абстраляныя пазіцыі блізу н.п. Пескі, Аўдзееўка і на тэрыторыі аэрапорта ў Данецку» - напісаў Тымчук.
Акрамя гэтага адзначаецца актывізацыя перамяшчэння расейска-тэрарыстычных войскаў у раёне Луганска, Лісічанска, Алчэўска.
«Таксама адзначаецца ўзмоцненая перакідка акупацыйнай групоўцы расейскіх войскаў на Данбасе гаруча-змазачных матэрыялаў. Паліва завозіцца бензавозамі з тэрыторыі РФ», - дадаў Тымчук.