Расейскія алігархі адмяняюць канікулы праз санкцыі ЕЗ

Патокі турыстаў у Расею таксама ўпалі.

Новыя санкцыі былі зацверджаныя ўчора. Акрамя таго, што значна пацерпяць ад іх прамысловыя гіганты «Раснафта», «Транснафта» і банкі, цяпер свой адпачынак у іншых краінах прыйдзецца адкласці яшчэ 24 алігархам і чыноўнікам. Яшчэ 24 прозвішчы папоўнілі спіс ЕЗ, які тычыцца забароны на паездкі ў пэўныя краіны, піша InfoResist са спасылкай на International Business Times.

Абапіраючыся на гэтыя выданні Bloomberg, колькасць прыватных самалётаў, якія ляцяць з Масквы ў аэрапорт Блакітны бераг Ніцы знізілася на 5% за апошнія сем месяцаў. З 2009 года Французская Рыўера была відавочным месцам-фаварытам для расейскіх адпачывальнікаў, але лік наведвальнікаў у гэтым годзе значна ўпаў, бо напружанасць ва Украіне працягвае расці.

У тасканскім горадзе Фортэ-дзей-Мармі, другой Мекай для багатых мясцовых уладальнікаў гатэляў і рэстаратараў Расеі, таксама заўважылі, што тэлефоны сталі тэлефанаваць значна радзей.

Аналітыкі з WingX Advance, авіяцыйнай кансалтынгавай фірмы, у нядаўнім дакладзе паказалі, што ў жніўні 2014 было на 1974 менш вылетаў бізнэс-рэйсаў з Расеі, чым у жніўні мінулага года.

Прынамсі 140 асобных асоб і 50 кампаній ужо сталі мішэнню санкцый з боку Захаду, і Еўрапейскі звяз абвясціў чарговы раўнд санкцыяў на гэтым тыдні.

Між тым, плыні турыстаў у Расею таксама рэзка ўпалі. Колькасць наведвальнікаў з Еўропы і Паўночнай Амерыкі знізілася ад 40% да 60% у параўнанні з тым жа перыядам мінулага года, паведамляюць расейскія турыстычныя агенцтвы. Кіраўнік Асацыяцыі расейскіх турагенцтваў мяркуе, што далейшы паток турыстаў можа зваліцца на цэлых 60% і ў верасні.