Урад Літвы ўхваліў законы для здабычы сланцавага газу

Літоўскі ўрад ухваліў новы парадак падаткаабкладання здабычы сланцавага газу.

Пасля прыняцця паправак у сойме можна будзе абвесціць новы конкурс на разведку і здабычу сланцавага газу, заявілі прадстаўнікі Кабміна, піша ru.DELFI.lt.

Сваю ацэнку праекту паправак да закона аб падаткаабкладанні нафтавых і газавых рэсурсаў, падрыхтаванага міністэрствам навакольнага асяроддзя, яшчэ павінен даць Савет ў канкурэнцыі. Папраўкі прадугледжваюць, што цягам трох гадоў, але не пазней чым да пачатку 2020 года, не абкладаць падаткамі здабычу сланцавага газу, а затым будзе ўведзены 15-ці адсоткавы тарыф падатку. Таксама прапаноўваецца, каб 90% сабраных падаткаў накіроўваліся б у дзяржбюджэту, а 10% у муніцыпальныя бюджэты.

Старшыня Савета ў канкурэнцыі Шарунас Кесэраускас прапанаваў адкласці прыняцце паправак, паколькі ў Міністэрства эканомікі паўсталі сумневы ў тым, што прапанова цягам трох гадоў ужываць нулявы тарыф падатку можа быць разгледжаная як дзярждапамога.

«Гэтае пытанне не было з намі загадзя ўзгодненае(...) Мы прапануем даць час, каб мы маглі на гэтае пытанне адказаць, бо ў адваротным выпадку ёсць рызыка таго, што Еўракамісія можа прызнаць гэта дзяржаўнай дапамогай», - заявіў Кесэраускас на пасяджэнні.

Урад ухваліў кампрамісныя прапанова Буткявічуса - скарэктаваць папраўкі, калі Савет у канкурэнцыі дасць рэкамендацыі.

Са слоў Буткявічуса, у будучыні самакіраванні, на тэрыторыі якіх будзе здабывацца сланцавы газ, змогуць атрымліваць 20-30% сабраных падаткаў.

Цяпер усе нафтавыя і газавыя рэсурсы на сушы абкладаюцца тарыфам падатку ад 2 да 20%, а марскія рэсурсы - дыферэнцыяванымі тарыфамі да 16%.

Калі Cейм ухваліць праекты законаў, яны ўвойдуць у дзеянне з 1 студзеня 2015 года, а Міністэрства навакольнага асяроддзя неўзабаве абвесціць конкурс на разведку сланцавага газу.

У кастрычніку 2013 амерыканская кампанія Chevron пакінула конкурс на здабычу сланцавага газу. Новы конкурс павінен быць абвешчаны адразу пасля таго, як урад і Сейм прымуць папраўкі да законаў.