Шатландыя застанецца ў складзе Вялікабрытаніі

Жыхары Шатландыі прагаласавалі супраць аддзялення ад Вялікабрытаніі.

Згодна з вынікамі рэферэндуму, у падтрымку незалежнасці краіны выказаліся менш за 50 адсоткаў тых, хто прагаласаваў, перадае Reuters.

Паводле звестак Agence France-Presse, за суверэнітэт Шатландыі выказаліся 44,58 адсотка прагаласаваўшых, супраць - 55,42 адсотка.

Прэм'ер-міністр Шатландыі Алекс Салмонд, які выступаў за незалежнасць, прыняў вынікі плебісцыту. Ён падзякаваў 1,6 мільёна грамадзян, якія прагаласавалі за незалежнасць. Алекс Салмонд таксама падкрэсліў высокі прыход на рэферэндум, сказаўшы, што ён стаў адным з самых высокіх на рэферэндумах ва ўсім свеце. Паводле ягоных слоў, цяпер ён будзе чакаць ад Лондана хуткага пашырэння паўнамоцтваў Шатландыі, перадае BBC.

У сваю чаргу прэм'ер-міністр Вялікабрытаніі Дэвід Кэмеран павіншаваў лейбарыстаў Алістэра Дарлінга, які заклікаў шатландцаў не выходзіць са Злучанага Каралеўства, з правядзеннем паспяховай кампаніі. Віншаванні Кэмеран напісаў у сваім мікраблогу ў Twitter яшчэ да абвяшчэння канчатковых вынікаў рэферэндуму.

Рэферэндум аб пытанні незалежнасці Шатландыі адбыўся 18 верасня 2014 года. На выбарчыя ўчасткі ў чацвер прыйшлі больш за 80% грамадзян.

Найбольшую падтрымку аддзяленні краіны выказаў горад Дандзі: там за незалежнасць прагаласавалі 57,35% выбарцаў. Найбуйнейшы горад Глазга таксама прагаласаваў "за", у той жа час сталіца Шатландыі - Эдынбург - выказалася супраць. Калі б большасць насельніцтва прагаласавала за выхад са складу Злучанага Каралеўства, Шатландыя атрымала б незалежнасць 24 сакавіка 2016 года.