Смалявіцкі чыноўнік «пагарэў» на хабары
8- 2.09.2014, 10:42
- 8,765
Супрацоўнікі сталічнага УБЭП затрымалі чыноўніка з доказамі злачынства, калі той атрымліваў 7 мільёнаў ад намеснік дырэктара адной прыватнай фірмы.
Следчы камітэт горада Менску распачаў крымінальную справу на начальніка аддзела КУП «Смалявіцкае ЖКГ». Яго падазраюць у падбухторванні бізнэсоўца ў дачы хабару, паведамляе БелТА.
Чыноўнік арыштаваны, следчыя шукаюць іншых датычных да злачынства асоб.
Да інцыдэнту бізнэсовец і начальнік Смалявіцкага ЖКГ заключылі дагавор на пастаўку матэрыяльных каштоўнасцяў (якіх, СК не канкрэтызуе). Чыноўнік змог пераканаць камерсанта, што аплаціць прадукцыю прадпрыемства ЖКГ зможа толькі пасля адкату кіраўніцтву.