У Расеі няма грошай на «Вечныя агні»

Дзве траціны з іх не гараць.

Гэта высветлілі актывісты руху "Народны фронт" За Расею "падчас маніторынгу, праведзенага паводле даручэння прэзідэнта Уладзіміра Пуціна.

"Толькі трэцяя частка мемарыялаў "Вечны агонь" у рэгіёнах дзейнічае пастаянна, на астатніх агонь запальваецца толькі ў памятныя дні, або яны наогул не працуюць", - паведамілі ІТАР-ТАСС у прэс-службе руху, які аб'яднаў прыхільнікаў дзеючага кіраўніка дзяржавы.

Нагадаем, Уладзімір Пуцін у пачатку ліпеня даручыў прэм'еру Дзмітрыю Мядзведзеву сумесна з органамі выканаўчай улады суб'ектаў РФ і "франтавікамі" забяспечыць улік і бесперабойнае функцыянаванне мемарыялаў "Вечны агонь" у краіне і загадаў дакладваць аб выкананні гэтага даручэння штоквартальна з 1 верасня 2014 года.

Як правіла, тое, што мемарыялы не працуюць, тлумачыцца "састарэласцю сетак газазабеспячэння або іх адсутнасцю ў месцах знаходжання помнікаў, а таксама недахопам бюджэтных сродкаў на абслугоўванне", адзначылі ў "НФ".