NATO: Войскі РФ застаюцца ва Украіне, замірэнне не захоўваецца
9- 20.09.2014, 21:04
- 18,605
Рэжым спынення агню ў Данбасе не дзейнічае.
Пра гэта паведамляе агенцтва AFP са спасылкай на заяву галоўнаначальніка сіл NATO ў Еўропе генерала Філіпа Брыдлава, піша "Украінская праўда".
"Што да расейскіх войскаў на тэрыторыі Украіны - так, яны ўсё яшчэ знаходзяцца ў межах краіны", - заявіў ён у Вільні, дзе праходзіць сустрэча найвышэйшага вайсковага камандавання NATO.
Разам з тым Брыдлаў выказаў спадзяванне, што новае "мірнае пагадненне" Мэмарандум (аб урэгуляванні сітуацыі на ўсходзе Украіны) забяспечыць пэўны прагрэс у гэтым пытанні (вывадзе войскаў РФ).
Як вядома, уночы 20 верасня ўдзельнікі кантактнай групы для ўрэгуляванні сітуацыі на ўсходзе Украіны падпісалі ў Менску мэмарандум аб рэалізацыі пратакола ад 5 верасня, які складаецца з 9 пунктаў: спыненне ўжывання зброі абедзвюма старанамі, прыпыненне падраздзяленняў і фармаванняў на пазіцыях на 19 верасня, забарона на ўжыванне ўсіх тыпаў зброі і наступальных дзеянняў.
Акрамя таго, мэмарандум прадугледжвае адвод буйнакалібернай зброі на адлегласць не менш за 15 км з кожнай стараны, што ствараеце зону бяспекі шырынёй не менш за 30 км. Дакумэнт уводзіць забарону на палёты баявой авіяцыі, у тым ліку беспілотных лятальных апаратаў, за выняткам апаратаў АБСЕ. Таксама ўводзіцца забарона на выкарыстанне замежных баявых лятальных апаратаў.
Апошні пункт - вывад усіх замежных узброеных фармаванняў з тэрыторыі Украіны. Таксама прадугледжаны вывад усіх так званых наймітаў. Акрамя таго, дакумэнт прадугледжвае забарону на ўстаноўку новых мінных збудаванняў паблізу населеных пунктаў, а таксама патрабаванне аб разміноўванні ўжо існых прылад.
У Радзе нацыянальнай бяспекі і абароны Украіны заявілі, што Мэмарандум, падпісаны ў Менску ўдзельнікамі кантактнай групы для ўрэгуляванні сітуацыі на ўсходзе Украіны, павінен выконвацца з 20 верасня. Паводле заявы РНБА, "мы не бачым нерэалізоўных пунктаў, якія ёсць як у дамоўленасцях ад 5 верасня, так і ў мэмарандуме аб яго рэалізацыі".
20 верасня ў Літве праходзіць сустрэча найвышэйшага вайсковага камандавання NATO, адной з асноўных тэм якой з'яўляецца перагляд стасункаў Альянсу з Расеяй.