Буцік у Менску будзе прадаваць парфуму за $ 10 тысяч

Першы на постсавецкай прасторы буцік M.Micallef адкрыўся ў пяцізоркавым «Прэзідэнт-Гатэлі» у Менску.

Сваю парфуму французскія заснавальнікі брэнда называюць парфумерыяй класа люкс, водарамі для абраных. Тым больш дзіўна, што для свайго 55-га буціка яны выбралі такую геалакацыю - Менск, а не Маскву. Onliner.by пабываў на адкрыцці чарговай крамы духмянай франшызы.

У лобі «Прэзідэнт-Гатэля» досыць людна. Пышныя жырандолі кідаюць блікі на жаночыя ўборы. Даўгалыгія красуні з фірмовымі сцяжкамі M.Micallef завучана ўсміхаюцца гасцям. Моцны водар парфумы паўсюль. Рэдкія насельнікі глядзяць на падзеі са здзіўленнем. У суседніяй рэстарацыі «Сталіца», якая знаходзіцца на першым паверсе «Прэзідэнт-Гатэля», адзначаюць адразу два вяселлі. Вясёлыя госці паволі сунуцца да водарнага адкрыцця.

- Сёння тут не пабачыць вядомых мэдыйных асоб. Бо адная рэч - звыклыя асобы, а іншае - рэальная пакупніцкая здольнасць. На адкрыццё запрошаныя, больш, справовыя колы Менска. Запрашэнні рассылаліся ці не таемным чынам, - кажа ўладальніца сеткі крам ювелірнай біжутэрыі і аксэсуараў BelFashion і цэнтра эстэтычнай медыцыны ShineEst Юлія Карабач.

Хоць некаторыя мэдыйныя асобы ўсё ж пазнаюцца: дызайнерка Наталля Поткіна, кіраўніца фітнэс-цэнтра «Багіра» Наталля Наважылава, спявачка Ўлада... Мабыць, на гэтым усё.

Пра кошт дырэктарка новага буціка Інэса Поклад кажа ўнікліва: самая танная парфума ад M.Micallef каштавацьме $150, самая дарагая - $10 000. Сярэдні кошт парфумерыі - $300-350.

- $10 000 каштуюць бутлі парфумы аб'ёмам да трох літраў з калекцыі Collector's space, зробленыя ўручную на адмысловую замову з выкарыстаннем каштоўных камянёў і крышталяў Swarovski. Наогул жа, уся наша парфумерыя і ўсё флаконы вырабляюцца ўручную. Большасць складнікаў - натуральныя. Марціна Мікалеф сама распісвае і ўпрыгожвае флаконы для гатовай прадукцыі, - тлумачыць нюансы коштаўтварэння Інэса Поклад.

M.Micallef - гэта сямейны бізнэс. Заснавальнікі і ўладальнікі франшызы муж і жонка Марціна Мікалеф і Джэфры Ньюман асабіста прыехалі з Францыі перацяць стужку свайго першага беларускага буціка. На адкрыцці яны казалі пра тое, што прыбытковы бізнэс пачынаўся ў склепе іхняга дома, а цяпер яны маюць гандлёвыя пункты ў 64 краінах.