Крыкуноў узначаліў зборную Беларусі ў хакеі

Вядомы спецыяліст, заслужаны трэнер Беларусі Уладзімір Крыкуноў узначаліць зборную Беларусі.

Пра гэта паведамляе афіцыйны сайт Федэрацыі хакея Беларусі.

25 верасня а 10:00 у канферэнц-зале «Дома футбола» (Менск, праспект Пераможцаў 20/3) адбудзецца падпісанне кантракту з новым галоўным трэнерам нацыянальнай зборнай.

Пасля падпісання кантракту адбудзецца прэс-канферэнцыя, падчас якой Уладзімір Крыкуноў адкажа на пытанні журналістаў.

Крыкуноў ужо ўзначальваў зборную Беларусі (2001-2003).

Нагадаем, пасля чэмпіянату свету ў Менску пост хакейнай дружыны пакінуў канадзец Глен Хэнлан.