Баевікі захапілі 95% шахт Данбаса
10- 28.09.2014, 14:53
- 12,999
Прадстаўнікі незаконных узброеных фарміраванняў кантралююць 88 шахт з 93, размешчаных у Данецкай і Луганскай абласцях.
Пры гэтым у рэгіёне працуюць толькі 24 шахты, заявіў першы намеснік міністра энэргетыкі Юрый Зюкаў, паведамляе 5 канал.
З ягоных слоў, сем вуглездабыўных прадпрыемстваў на сёння цалкам разбураныя, у прыватнасці, дзве шахты на Луганшчыне былі ўзарваныя дыверсантамі. Яшчэ 60 шахт пераведзеныя ў рэжым падтрымання жыццядзейнасці, піша korrespondent.net.
Летась шахты, якія спынілі працу, здабылі 32 мільёны тон вугалю, што склала 40% ад усёй гадавой здабычы.
У жніўні 2014 здабыча вугалю ва Украіне ў параўнанні са жніўнем мінулага года скарацілася на 59,5% і склала 2,2 мільёна тон.