Паліцыя Ганконга ўжыла слезацечны газ
2- 28.09.2014, 17:18
- 4,843
Паліцыя Ганконга ўжыла слезацечны газ для разгону дэманстрантаў, якія сабраліся каля будынка ўрада.
Паводле паведамленняў з Ганконга, у цэнтры горада праходзяць сутыкненні ўдзельнікаў акцыі пратэсту з паліцыяй, паведамляе BBC.
Раней кіраўнік адміністрацыі Ганконга Лян Чжэньін заклікаў жыхароў горада не ўдзельнічаць у «незаконных», з ягоных слоў, пратэстах і як мага хутчэй пакінуць раёны горада, ахопленыя хваляваннямі.
Гэта першае публічнае выступленне Лян Чжэньіна пасля пачатку пратэстаў. Яны пачаліся ў панядзелак з дэманстрацыі студэнтаў, якія патрабавалі дэмакратычных рэформаў.
З тых часоў тысячы дэманстрантаў далучыліся да акцый пратэсту.
У суботу лідэр апазіцыйнага прадэмакратычнага руху Ганконга Occupy Central Бенні Тай абвясціў аб пачатку масавай акцыі непадпарадкавання.
Ганконг кіруецца на дамову з Пекінам, вядомую як «Адна краіна, дзве сістэмы». Праз гэта ў мясцовых жыхароў ёсць права на мірны пратэст.
У жніўні ўлады Кітая прынялі пастанову, што ўсе кандыдаты на выбарах 2017 будуць спачатку адобраныя ўрадавым камітэтам. Актывісты мяркуюць, што гэта супярэчыць дэмакратыі.