У азербайджанца ў Менску канфіскавалі 4 тоны кантрабанднай гародніны
11- 4.09.2014, 9:18
- 8,205
Агульны кошт нелегальнай прадукцыі перавышае Br100 млн.
Супрацоўнікі фінансавай міліцыі канфіскавалі больш за чатыры тоны садавіны і гародніны, нелегальна ўвезеных на тэрыторыю Беларусі. Пра гэта сайту charter97.org паведамілі ў прэс-службе Камітэта дзяржаўнага кантролю.
Буйную партыю кантрабанднай садавіны і гародніны канфіскавала кіраванне Дэпартамента фінансавых расследаванняў Камітэта дзяржкантролю Менскай вобласці і Менску сумесна з інспекцыяй Міністэрства ў падатках і зборах па Менску.
Нелегальная прадукцыя была выяўлена падчас аператыўна-рэйдавых мерапрыемстваў на тэрыторыі сталічнага гандлёвага цэнтра. У адной з гандлёвых кропак у грамадзян Азербайджана знаходзілася больш за 4 т рознай садавіны і гародніны без дакументаў, якія пацвярджаюць іх набыццё, захоўванне і транспарціроўку. Агульны кошт нелегальнай прадукцыі перавышае Br100 млн.
Увесь тавар канфіскаваны, матэрыялы праверкі накіраваныя ў падатковыя органы для прыцягнення вінаватых асоб да адміністрацыйнай адказнасці.