Дарадца Авакава: Генштаб рыхтуе перагрупоўку войскаў і ўмацоўвае фронт
8- 4.09.2014, 9:39
- 9,625
Адступленне сіл АТА ў раёне Луганскага аэрапорта было тактычным. Украінскія вайскоўцы ўжо рыхтуюць контрнаступленне.
Пра гэта ў эфіры тэлеканала « 112 Украина» заявіў дарадца міністра ўнутраных спраў Зоран Шкірак, піша УНІАН.
«З таго, што на некаторых напрамках нашы байцы вымушаныя былі адступіць - гэта тактычнае адступленне. Вы ведаеце, што наносіліся артылерыйскія ўдары. Калі браць аэрапорт «Луганск», то там расейскія вайскоўцы ўжывалі тактыку «выпаленай зямлі», не пакідаючы без паразы ні аднаго квадратнага сантыметра. Тое ж самае і ў іншых напрамках. У такіх умовах тактычнае адступленне - гэта ні ў якім разе не параза», - заявіў Шкірак.
Са слоў дарадцы міністра, Генштаб рыхтуе перагрупоўку сіл АТА ў напрамку «Новаазоўск-Марыупаль» і ўмацоўвае лінію фронту.
«У тым выпадку, калі неабходна выратаваць і захаваць жыцці людзей і асабістага складу нашых падраздзяленняў, каб зрабіць перагрупоўку, умацаваць абаронныя пазіцыі, вядома, мы гаворым пра паўднёвы усход, аб накірунку «Новаазоўск-Марыупаль». І ўмацоўваць лінію фронту, каб перагрупавацца, ужо прымаць пастанову, якая будзе прынятая Генштабам, камандаваннем АТА, галоўнакамандуючым, з нагоды нашых наступных дзеянняў і рыхтавацца да контратакі», - дадаў ён.
Нагадаем, напярэдадні ў РНБА заявілі, што ў Луганску ўкраінскія вайскоўцы выйшлі з аэрапорта.