У Рэчыцы маладая мама вынесла з «Еўраопту» ў вазку тавары на 2 мільёны
14- 4.09.2014, 15:59
- 25,050
Дапамагала ёй у гэтым сяброўка.
Цягам некалькіх гадзін жанчыны набіралі ў дзіцячую калыску розныя рэчы: шампуні, мыла, дэзадаранты, зубную пасту.
Пра гэта піша «Гомельская праўда».
Пасля гэтага яны выйшлі з крамы. Але служба аховы не дазволіла ім далёка сысці.
- Дзяўчаты раней судзімыя, прычым, адна неаднаразова. Вялі асацыяльны лад жыцця, - распавяла намесніца начальніка – начальніца 2-га следчага аддзялення Рэчыцкага Роско Галіна Глушакова. - Распачатая крымінальная справа паводле ч.2. арт.205 КК РБ (таемнае выкраданне маёмасці (крадзеж), учынены групай асоб). Лёс саміх абвінавачаных будзе вырашаць суд. Што будзе з іх дзецьмі, будуць вызначаць кампетэнтныя органы.