На «Ждановічах» грузчыка забілі за тое, што ён заніжаў кошт сваёй працы

Грузчыка забілі ягоныя калегі.

Пракуратура Менска накіравала ў суд Цэнтральнага раёна матэрыялы крымінальнай справы ў дачыненні да двух грузчыкаў, якія нелегальна працавалі на рынку ў Ждановічах, і забілі свайго калегу, паведамляе БелаПАН.

Мужчыны абвінавачваюцца ў рабаванні, а таксама ў наўмысным прычыненні цяжкіх цялесных пашкоджанняў, якія пацягнулі смерць.

4 чэрвеня гэтага года абвінавачаныя збілі свайго калегу, 45-гадовага меінчука, за тое, што ён ацэньваў свае паслугі разгрузкі плодаагародніннай прадукцыі не ў 250 тысяч рублёў, што было негалосна ўстаноўлена, а ў 150 тысяч рублёў. Пасля бойкі пацярпелы памёр на месцы ад разрыву прамой кішкі.