Рассельгаснагляд вярнуў у Беларусь 220 тысяч яек

«Гарадзенскую птушкафабрыку» абвінавацілі ў парушэнні патрабаванняў Мытнага саюза.

Пра гэта сайту charter97.org паведамілі ў прэс-службе Рассельгаснагляду.

Супрацоўнікамі аддзела дзяржаўнага ветэрынарнага памежнага кантролю кіравання ведамства па Цвярской і Пскоўскай абласцях у рамках рэалізацыі кантрольных мерапрыемстваў а спыненні ўвозу з тэрыторыі Беларусі ў Расею тавараў, вырабленых у ЗША, Канадзе, Аўстраліі, Нарвегіі і ЕЗ, абмежаваных да ўвозу, забаронены ўвоз партыі сталовых яек (219,6 тысяч штук), вырабленых ГП «Гарадзенская птушкафабрыка». Тавар суправаджаўся ветэрынарным сертыфікатам Мытнага саюза ВY № 04-00122965, якім пацверджана выкананне ветэрынарных патрабаванняў МС у поўным аб'ёме.

Падчас кантролю ўстаноўлена, што ГП «Гарадзенская птушкафабрыка», маркіроўка якой выяўленая на тавары пры правядзенні ветэрынарна-санітарнага надгляду, не ўключаная ў рэестр арганізацый і асоб, якія вырабляюць, перапрацоўваюць і (або) захоўваюць падкантрольныя тавары, што перамяшчаюцца з тэрыторыі адной дзяржавы - чальца Мытнага саюза на тэрыторыю іншага, што з'яўляецца грубейшым парушэннем ветэрынарных патрабаванняў, заявілі ў Рассельгаснаглядзе. Таму было прынятая пастанова аб вяртанні тавару адпраўніку.