Карл Більт: «Мірны план» Пуціна не вытрымлівае крытыкі
9- 5.09.2014, 11:18
- 10,098
Так званы мірны план прэзідэнта Расеі Уладзіміра Пуціна адносна Украіны не вытрымлівае ніякай крытыкі.
Пра гэта на саміце краін-сябраў NATO ва Уэльсе паведаміў міністр замежных спраў Швецыі Карл Більт, паведамляе УНН са спасылкай на CNN.
«Мірны план, прапанаваны Расеяй, не вытрымлівае крытыкі... У мірным плане прэзідэнта Пуціна адсутнічаюць два надзвычай важных элемента ў ягоных сямі пунктах. Па-першае, там не гаворыцца аб сыходзе рускіх войскаў, а па-другое - няма нічога пра кантроль Украіны над яе межамі. Ён хоча, каб украінскія вайскоўцы пакінулі тэрыторыю часткі Украіны, а расейскія войскі засталіся ва Украіне», - сказаў ён.
Са слоў кіраўніка шведскага замежнапалітычнага ведамства, прапанаваныя Пуціным сем пунктаў «могуць прывесці да спынення агню і спыніць смерці людзей, аднак не з'яўляюцца выхадам і шляхам да спынення канфлікту».
Будзе спыненне агню або не (ходзяць пэўныя чуткі), але мы не ўбачылі нічога ў паводзінах Расеі, што б паказвала на такое спыненне.
Адначасова Більт звярнуў увагу і тое, што нягледзячы на чуткі аб спыненні агню, «у паводзінах Расеі няма нічога, што б паказвала на такое спыненне».
Ён таксама ад імя сусветнай супольнасці выказаў падтрымку Украіне і адзначыў, што свет дасць «камбінаваны адказ на агрэсію Расеі супраць Украіны».