Кучма ў Менску: Мы прыехалі за мірам

У Менску пачалося пасяджэнне кантактнай групы ва ўрэгуляванні канфлікту на ўсходзе Украіны.

Перад пачаткам сустрэчы прадстаўнікі Расеі і Украіны выказалі надзею на тое, што па яе выніках атрымаецца выйсці на падпісанне канкрэтных дакументаў, піша ZN.ua.

Экс-прэзідэнт Украіны Леанід Кучма, які ўяўляе Кіеў на перамовах у Менску, заявіў аб тым, што Украіна гатовая падпісаць пагадненне аб спыненні агню, калі іншыя стораны згодныя на ўмовы дамовы. З ягоных слоў, з украінскай стараны ніякіх супярэчнасцяў няма, калі іншыя стораны будуць настроеныя гэтак жа, то абавязкова будзе падпісаны дакумент аб неадкладным спыненні агню.

Ён таксама падкрэсліў, што Украіна прыехала на перамовы за мірам. "Мы прыехалі за мірам, каб была вера, што няхай не заўтра, дык паслязаўтра спыняцца баявыя дзеянні, спыняць забіваць адзін аднаго", - падкрэсліў ён.

Адзначым, што крыніца "Інтэрфакс-Украіна" ў кантактнай групе па мірнаму ўрэгуляванню ва Украіне паведаміла, што ў базавы праект рэзалюцыі перамоваў уключаныя два асноўныя пытанні - спыненне агню старанамі канфлікту і абмен ваеннапалоннымі паводле схемы "ўсіх на ўсіх".

Паводле яго інфармацыі, у пачатковым праекце рэзалюцыі стаяць два асноўныя пытанні - спыненне агню і абмен ваеннапалоннымі. Мяркуецца, што падчас перамоваў у праект рэзалюцыі будуць унесеныя дапаўненні, якія датычацца, як мяркуецца, адводу Кіевам войскаў і ўзмацненне маніторынгу АБСЕ. "Пытанне аб статусе Данбаса можа стаць прадметам абмеркавання на наступных перамовах. Пытанне іх правядзення таксама плануецца абмеркаваць сёння", - сказала крыніца.

Нагадаем, 4 верасня прэзідэнт Украіны заявіў, што гатовы аддаць загад сілам АТА аб спыненні агню, калі на сустрэчы будзе зацверджаны ўкраінскі мірны план.

Фота: AP