Дзярждэп ЗША: Расея растаптала прынцыпы дэмакратыі і міру
13- 6.09.2014, 11:16
- 13,116
ЗША распрацоўваюць новыя санкцыі супраць Расеі.
Уварваўшыся ва Украіну, Расея растаптала прынцыпы, якіх прытрымліваюцца ЗША і Еўразвяз - прынцыпы дэмакратыі, міру, бяспекі. Пра гэта заявіла прэс-сакратарка Дзяржаўнага дэпартамэнту ЗША Мары Харф, перадае "Радыё Свабода".
"Менавіта таму мы калектыўна заяўляем, што мы ўсе падтрымліваем Украіну і будзем усё больш падтрымліваць яе", - сказала яна.
Прэс-сакратарка нагадала, што ЗША цяпер заканчваюць распрацоўку захадаў, якія паглыбяць і пашыраць санкцыі супраць фінансавага, энэргетычнага і абароннага сектараў эканомікі Расеі.
Харф адпрэчыла сцверджанне Расеі, нібыта напружанасць у свеце расце не толькі праз дзеянняў самой Расеі, але і праз дзеянні NATO.
Таксама яна дадала, што Украіна зрабіла цэлы шэраг запытаў наконт атрымання дапамогі. І партнёры Украіны, уключаючы ЗША, цяпер разглядаюць іх усе, каб разгледзець, як найлепш падтрымаць Украіну.