Войска Расеі працягвае нарошчваць сілы на мяжы з Украінай
6- 6.09.2014, 15:09
- 10,024
Расея працягвае ратацыю і нарошчванне войскаў у акупаваным Крыме і на мяжы з Украінай.
Пра гэта паведаміў спікер інфармцэнтра Рады нацыянальнай бяспекі і абароны Украіны Андрэй Лысенка, паведамляе тэлеканал "24".
Расейская старана працягвае канцэнтрацыю сваіх Узброеных сіл на поўначы часова акупаванага Крыма і ажыццяўляе ратацыю сіл і тэхнікі. Вядома, што расейскай стараной перадыслакаваныя праз Керчанскую пераправу на мацярык часткі мотастралковых і артылерыйскіх падраздзяленняў, якія плануецца накіраваць да мяжы з Украінай на тэрыторыі Растоўскай вобласці.
"У той жа час падраздзяленні ВС РФ перадыслакуюцца да адміністрацыйнай мяжы АР Крым з Херсонскай вобласцю. На працягу апошніх двух дзён зафіксаваная ратацыю асабістага складу і тэхнікі, якія нясуць службу на пунктах пропуску адміністрацыйнай мяжы з АР Крым. Таксама назіраецца актыўнасць расейскіх войскаў на таганрогска-марыупальскім кірунку, у прыватнасці, учора было зафіксаванае перамяшчэнне расейскіх калон на трасе Растоў-Таганрог ў бок мяжы з Украінай», - дадаў ён.
Лысенка таксама паведаміў, што за мінулыя суткі тэрарысты 28 разоў абстралялі пазіцыі сіл АТА, з іх 10 разоў - пасля 18:00 5 верасня.
Фота з архіву