Сяргей Крывец: Здзівіла, што Глеб не выйшаў нават на замену

Паўабаронца зборнай Беларусі пракаментаваў вынікі гульні з Люксембургам.

Паўабаронца «Метц» і зборнай Беларусі Сяргей Крывец пасля нічыёй у стартавым матчы еўракваліфікацыі-2016 супраць каманды Люксембурга (1:1) запэўніў, што змог бы ўзаемадзейнічаць на поле з Аляксандрам Глебам, піша «Прессбол».

- Як так атрымалася?

- Па гарачых слядах цяжка сказаць. Але шмат давалі спаборнікам волі, прасторы. Амаль кожны напад на пачатку яны даводзілі да небяспечнага моманту. Зрабілі так, што гульня была адкрытай. Можа, дзесьці трэба было больш кантраляваць мяч, не даваць ім так лёгка праводзіць контратакі.

- У зборнай у вас цяпер канкурэнцыя з Аляксандрам Глебам. Здзівіла, што ён нават не выйшаў на замену?

- Напэўна, трохі здзівіла. Але ўсё пастанаўляе трэнер. Яму адказваць за вынік. Думаю, усе хлопцы прафесіяналы. Разумеюць, што калі не патрапілі ў склад, трэба спакойна да гэтага ставіцца.

- На вашых стасунках гэта адбіваецца?

- Ды не. Мне наогул здаецца, што мы можам і ў пары гуляць. Ствараецца нейкая лішняя нервовасць, што, маўляў, нейкая канкурэнцыя... У БАТЭ гулялі ж разам - і ніякіх праблем не было. Узаемадзейнічалі, штосьці забіваў з пасаў Сашы, - сказаў Крывец.