Дональд Туск падаў у адстаўку

Прэм'ер-міністр Польшчы Дональд Туск падаў у адстаўку.

Пра гэта ён паведаміў пасля пасяджэння Рады нацыянальнай бяспекі краіны ў аўторак, 9 верасня, піша ІТАР-ТАСС.

"Я аддаў паперы", - сказаў Дональд Туск. Прэм'ер перадаў заяву аб сваёй адстаўцы прэзідэнту Польшчы Браніславу Камароўскаму.

Раней у прэс-службе польскага прэзідэнта паведамілі, што адстаўка Туска будзе прынятая ў чацвер, 11 верасня, у другой палове дня. Пасля гэтага ў Камароўскага будзе два тыдні, каб прапанаваць парламенту новага кіраўніка ўрада, які зоймецца фармаваннем новага кабінета. Камароўскі ўжо заявіў, што падтрымае кандыдатуру спікера сэйма Евы Копач, якую прапанавала кіроўная партыя Грамадзянская платформа.