Першыя беларусы 2015 года нарадзіліся ў Гарадзенскай вобласці

У Гарадзенскай вобласці ў першыя секунды 2015 года на свет з'явілася двайняты.

Першую маму года і парадзіх навагодняй ночы ад імя губернатара Гарадзенскай вобласці ў рамках рэспубліканскай дабрачыннай акцыі «Нашыя дзеці» павіншавала кіраўніцтва абласнога выканаўчага камітэта, «дэпутаты», паведамляе БелТА.

Гарадзенка Аксана Канстанцінава стала мамай двайнят у 00.01. Сын і дачка з'явіліся на свет у Гарадзенскім абласным клінічным перынатальным цэнтры. Акрамя таго, у навагоднюю ноч у медыцынскай установе з'явіліся дзеці ў яшчэ дзевяці жанчын. У тым ліку трох парадзіх госці перынатальнага цэнтра віншавалі не толькі з нараджэннем дзіцяці, але і з тым, што іх сям'і сталі шматдзетнымі. Жанчыны атрымалі падарункі, ім былі адрасаваныя самыя цёплыя словы і віншаванні.

Усяго ў вобласці з 00.00 да 12.00 нарадзіліся 13 дзяцей. Два немаўлі з'явіліся на свет у родадапаможных установах у Лідзе і Навагрудку.

Паводле слоў намесніка старшыні Гарадзенскага аблвыканкама Віктара Лісковіча, традыцыі віншаваць першых новых жыхароў Гарадзенскай вобласці кожнага года і іх мам у перынатальным цэнтры ўжо дзесяць гадоў. Мэта мерапрыемства - падкрэсліць увагу і стаўленне ўлады да дзяцей, мам, сямей.

«Бацькі павінныя ведаць, што клопат пра дзяцей, аб шматдзетных сем'ях заўсёды будзе прыярытэтам дзяржавы, таму бацькі могуць адчуваць упэўненасць у тым, што так будзе і ў далейшым», - сказаў ён.

У той жа час нельга забываць, што не толькі матэрыяльнымі каштоўнасцямі вымяраецца дабрабыт у сям'і, падкрэсліў Віктар Лісковіч. На чале вялікай, моцнай сям'і стаяць традыцыйныя маральныя каштоўнасці, аб прапагандзе якіх клапоціцца як дзяржава, так і кожны сямейнік. Фінансавая падтрымка павінная быць добрай падмогай такім бацькам і дзецям, лічыць ён.