Інфармацыйную прадукцыю плануецца маркіраваць

Інфармацыйную прадукцыю ў Беларусі плануецца маркіраваць знакам узроставай катэгорыі.

Гэта прадугледжана папраўкамі ў некаторыя законы ў пытаннях абароны дзяцей ад інфармацыі, што наносіць шкоду іх здароўю і развіццю. Дакумент паступіў у «палату прадстаўнікоў» (рыхтуецца да разгляду ў першым чытанні) і апублікаваны на Нацыянальным прававым інтэрнэт-партале, паведамляе БелТА.

У законапраекце, у прыватнасці, гаворыцца, што дзіця мае права на абарону ад інфармацыі, што наносіць шкоду ягонаму здароўю і развіццю. У сувязі з гэтым "заканадаўствам устанаўліваюцца патрабаванні да распаўсюджвання сярод дзяцей інфармацыі, у тым ліку патрабаванні да ажыццяўлення класіфікацыі інфармацыйнай прадукцыі, яе экспертызы, дзяржаўнага кантролю і нагляду за выкананнем заканадаўства" у гэтай сферы. Перш за ўсё, гэта неабходна для абароны непаўналетніх ад прапаганды парнаграфіі, гвалту і жорсткасці, ужывання алкагольных напояў, спажывання наркотыкаў і псіхатропаў, тытунёвых вырабаў і г.д.

Некаторыя папраўкі датычацца закона "Аб рэкламе", адну з артыкулаў якога плануецца дапоўніць абзацам "знак узроставай катэгорыі інфармацыйнай прадукцыі". У закон Беларусі "Аб сродках масавай інфармацыі" таксама будуць унесены дапаўненні - яны абавяжуць юрыдычная асобы, на якую ўскладзеныя функцыі рэдакцыі СМІ, і (або) распаўсюдніка медыяпрадукцыі паводле вынікаў класіфікацыі пазначаць яе знакам узроставай катэгорыі.

Такім чынам, распаўсюджванне медыяпрадукцыі без маркіроўкі знакам узроставай катэгорыі дапускацца не будзе, за выключэннем прадукцыі радыёвяшчальных СМІ; тэлеперадач, якія трансліруюцца ў жывым эфіры; тэлеперадач інфармацыйна-аналітычнага, інфармацыйнага, культурна-асветнага, спартовага і духоўна-асветніцкага характару. Абмежаванні не будуць тычыцца таксама друкаваных мас-мэдыяў, якія спецыялізуюцца на распаўсюдзе інфармацыі агульнапалітычнага, навуковага, вытворча-практычнага, нарматыўнага, вытворча-практычнага, масава-палітычнага, афіцыйнага, духоўна-асветніцкага, даведачнага, рэфератыўнага і статыстычнага характару.

У законапраекце вызначаны крытэрыі, па якіх вызначаецца забароненая для распаўсюджвання сярод дзяцей інфармацыя. Напрыклад, гэта інфармацыя, якая падахвочвае да дзеянняў, патэнцыйна небяспечнага для іх жыцця і здароўя або схіляе да самагубства, а таксама інфармацыя, якая выклікае ў дзяцей жаданне ўжыць алкагольныя напоі, паспрабаваць наркотыкі, псіхатропы, іх аналагі, таксічныя або іншыя адурманьваючыя рэчывы, узяць ўдзел у азартных гульнях і г.д. Акрамя таго, тут маецца на ўвазе інфармацыя, што правакуе дзяцей на антыграмадскія і супрацьпраўныя дзеянні, якая дыскрэдытуе інстытут сям'і ці якая змяшчае ненарматыўную лексіку, якая прапагандуе парнаграфію.

Да інфармацыі, абмежаванай для распаўсюджвання сярод дзяцей пэўнага ўзросту, плануецца аднесці інфармацыю, якая прадстаўляецца ў выглядзе апісання жорсткасці і гвалту; выклікае ў дзяцей жах або паніку; змяшчае элементы эротыкі і інш.

Пасля таго як папраўкі ў некаторыя законы ўваходзяць у дзеянне, вытворца і (або) распаўсюднік інфармацыйнай прадукцыі, прызначанай для распаўсюджвання на тэрыторыі Беларусі ці за яе межамі (за выключэннем рэкламы і фільмаў), будуць загадзя самастойна яе класіфікаваць. Маркіроўка будзе праводзіцца ў залежнасці ад наяўнасці альбо адсутнасці інфармацыі, што наносіць шкоду здароўю і развіццю дзяцей. Знак узроставай катэгорыі ўяўляе сабой графічнае або тэкставае пазначэнне.

Размяшчэнне або распаўсюд рэкламы будзе ажыццяўляцца ў парадку, вызначаным заканадаўствам аб рэкламе. Што тычыцца класіфікацыі фільмаў, якія таксама падпадаюць пад неабходнасць маркіроўкі, яна будзе ажыццяўляцца ў адпаведнасці з заканадаўствам аб культуры.

У законапраекце адзначаецца: да інфармацыйнай прадукцыі належыць прадукцыя СМІ, друкаваная прадукцыя, аўдыёвізуальныя творы, фанаграмы, гульні, у тым ліку гульні з электронным дысплэем, кампутарныя гульні і праграмы на любых відах носьбітаў, а таксама інфармацыя, якая распаўсюджваецца з дапамогай масавых мерапрыемстваў або з выкарыстаннем глабальнай кампутарнай сеткі інтэрнэт, іншай сеткі электрасувязі агульнага карыстання (у тым ліку сеткі сотавай рухомай электрасувязі), выдзеленай сеткі электрасувязі.