Маці Ігара Пцічкіна: Мой сын памёр пасля збіцця ў СІЗА

Сваякі загінулага ў СІЗА менчука катэгарычна не згодныя з высновамі следства аб прычынах ягонай смерці.

Маці маладога чалавека Жанна Пцічкіна атрымала пастанову аб спыненні следства. Яна мае намер дамагчыся сустрэчы з Аляксандрам Лукашэнкам, а таксама накіраваць скаргі ў міжнародныя праваабарончыя арганізацыі. Жанна Пцічкіна ўпэўненая, што Ігар Пцічкін памёр пасля таго, як быў збіты ў СІЗА, і хоча, каб вінаватыя былі пакараныя, паведамляе БелаПАН.

Прычынай смерці называўся сардэчны прыступ на фоне вострага псіхічнага разладу. Сваякі ж Пцічкіна запэўнівалі, што малады чалавек памёр ад цялесных пашкоджанняў, якія яму нанеслі супрацоўнікі СІЗА.

Блізкім памерлага маладога чалавека ўдалося дамагчыся распачынання крымінальнай справы ў дачыненні да супрацоўнікаў СІЗА, якія падазраюцца ў неналежным выкананні абавязкаў, што пацягнула смерць праз неасцярожнасць.

15 траўня 2013 года суд Заводскага раёна сталіцы прысудзіў Ігара Пцічкіна да трох месяцаў адміністрацыйнага арышту за ўчыненне злачынства, прадугледжанага арт. 417 КК (невыкананне прысуду суда аб пазбаўленні права займаць пэўныя пасады або займацца пэўнай дзейнасцю), за кіраванне транспартным сродкам у перыяд пазбаўлення права кіравання.

30 ліпеня малады чалавек разам з маці і сястрой прыбыў у Заводскае РУУС сталіцы, адкуль яго адправілі для адбыцця пакарання ў СІЗА № 1. Праз некалькі дзён супрацоўнікі ізалятара паведамілі сваякам, што Пцічкіна сканаў. Паводле папярэдняй версіі, смерць наступіла ад сардэчнага прыступу.

30 чэрвень следства аб'явіла, што Пцічкіна ў 2011-2013 гадах сістэматычна ўжываў курыльныя сумесі, якія змяшчаюць наркатычныя і псіхатропныя рэчывы. Следства таксама сцвярджала, што цягам доўгага часу Пцічкін сістэматычна ўжываў алкаголь. У прыватнасці, Пцічкін пяць разоў затрымліваўся за кіраванне транспартным сродкам у стане алкагольнага ап'янення.

Як усталявала следства, праз некалькі дзён пасля змяшчэння ў СІЗА ў Пцічкіна «сталі выяўляцца і нарастаць прыкметы вострага псіхічнага разладу, выяўленыя ў галюцынацыях, трызненні, адмове ад ежы і пітва, маніі пераследу». З гэтай прычыны Пцічкіна быў шпіталізаваны ў мэдычную частку ізалятара, дзе праз некаторы час памёр.

З матэрыялаў крымінальнай справы фактаў прымянення ў дачыненні да Пцічкіна гвалту, фізічнай сілы і спецсродкаў як супрацоўнікамі ізалятара, так і іншымі асобамі ў перыяд знаходжання яго ў СІЗА №1 няма, заявілі паўтара года таму ў Следчым камітэт.

Пры гэтым у інтэрнэце размешчаны пасмяротныя фатаграфіі Пцічкіна, на якіх бачныя шырокія гематомы на перадплеччах, запясцях, руках, пад рэбрамі, а таксама пашкоджанні ніжэй калена на назе.

У канцы верасня 2013 УСК Менску распачаў справу паводле ч. 2 арт. 162 КК у дачыненні да работніка медчасткі СІЗА, падазраванага ў неналежным выкананні прафесійных абавязкаў, якое пацягнула праз неасцярожнасць смерць Пцічкіна. Маці памерлага прызналі пацярпелай ў гэтай справе.

Як паведамляе Следчы камітэт, смерць Пцічкіна наступіла ў мэдычнай частцы раніцай 4 жніўня з прычыны вострай сардэчна-сасудзістай недастатковасці.

З мэтай праверкі сцвярджэнні сваякоў памерлага аб ягонай смерці ў выніку збіцця персаналам СІЗА №1 былі дапытаныя ўсе асобы, якія змяшчаліся з ім у адной камеры, суседніх камерах, блізкія і знаёмыя памерлага, а таксама супрацоўнікі ізалятара (усяго больш за 190 чалавек).