Дыетолагі заступіліся за ежу з мікрахвалёўкі

Апрацоўка ў мікрахвалёўцы дазваляе «ажывіць» закрышталізаваўшыся мёд.

Мікрахвалевая печ ёсць практычна ў кожным доме. І заходнія спецыялісты прапануюць актыўна ёю карыстацца, піша meddaily.ru.

Па-першае, яна можа значна скараціць час падрыхтоўкі ежы. А чым менш тэрмічнай апрацоўкі, тым менш руйнуецца карысных рэчываў у прадуктах. Для гародніны, напрыклад, хопіць і 5 хвілін.

Таксама мікрахвалёўка падыходзіць для дэзінфекцыі пластыкавага посуду. Бактэрыі накшталт сальманелы і кішачнай палачкі, як вядома, лёгка множацца на апрацоўчых дошках. І, паводле даследавання Універсітэта Вісконсін, каб пазбавіцца ад бактэрый, дастаткова апрацаваць дошку ў мікрахвалеўцы на працягу пяці хвілін. Тое ж адносіцца да брудных губак для мыцця посуду. Спецыялісты раяць дадаць цытрынавы сок з воцатам і адправіць губку ў мікрахвалёўку на хвіліну.

Яшчэ апрацоўка ў мікрахвалеўцы дазваляе «ажывіць» закрышталізаваны мёд (досыць 30 секунд) і паскорыць ўзняцце тэсту. Некаторыя прапануюць выкарыстоўваць мікрахвалёўку для рэабілітацыі дэкаратыўнай касметыкі. Да прыкладу, экспэрт Жаклін Марыяні раіць: змясціце ў печ адкрытую туш (без шчотачкі) і кубак з вадой. За пяць секунд засохлая туш стане зноў вадкай. Эфекту хопіць на некалькі тыдняў.