50 авіярэйсаў з Масквы затрыманыя праз снегапад
4- 11.01.2015, 13:29
- 8,052
Снегапад прывёў да затрымкі прыёму і адпраўлення некалькіх дзясяткаў рэйсаў ля маскоўскага авіяцыйнага вузла.
Больш за 50 авіярэйсаў на прылёт i вылет затрыманыя ў першай палове дня праз імклівае пагаршэнне ўмоў надвор'я ў рэгіёне, паведамляе «Інтэрфакс».
У Дамадзедава, паводле звестак электроннага табло, на гэты момант затрымліваецца вылет пятнаццаці, а таксама прылёт дзесяці рэйсаў. З Унукава затрымліваецца вылет дзесяці і прыбыццё трох рэйсаў. Онлайн-табло аэрапорта Шарамеццева паведамляе пра затрымкі адпраўлення дзевяці і прыбыцця дзесяці рэйсаў, піша Lenta.ru.
Сёння раніцай на сталіцу абрынуўся магутны снегапад, які, паводле звестак метэаролагаў, працягнецца да вечара. Як адзначаецца ў паведамленні, у раёне аэрапорта Дамадзедава ўтварыўся затор, даўжыня якога дасягнула 5,1 кіламетра.
Як паведамляе сайт менскага аэрапорта, сярод затрыманых - рэйс, які павінен быў прыбыць з Масквы а 14:20.