У Брусэлі эвакуявалі рэдакцыю газеты Le Soir праз пагрозы выбуху
- 11.01.2015, 19:56
- 4,207
У Брусэлі супрацоўнікі рэдакцыі газеты Le Soir былі эвакуяваныя праз ананімны званок з пагрозамі, які паступіў у офіс.
Пра гэта паведамляе "Газета.ру".
Невядомы падчас званка заявіў, што рэдакцыя мусіць паставіцца да пагрозаў сур'ёзна, у адваротным выпадку ў офісе будзе падарваная бомба. Акрамя таго, зламыснік запатрабаваў спыніць асвятленне інцыдэнту з парыжскім часопісам Charlie Hebdo.
Адзначаецца, што жыхары суседніх дамоў таксама былі эвакуяваныя.
Нагадаем, 7 студзеня ў Парыжы адбылася атака на рэдакцыю французскага часопіса Charlie Hebdo. Тады трое ўзброеных нападнікаў, якімі былі браты Саід і Шэрыф Куашы і іх хаўруснік, амаль адразу здаліся паліцыі, з крыкамі "Алах Акбар" і "Мы адпомсцілі за прарока" адкрылі агонь па людзях у рэдакцыі і вартавых парадку, пасля чаго ўцяклі з месца злачынства. Загінулі 12 чалавек (у тым ліку галоўны рэдактар часопіса і некалькі карыкатурыстаў), яшчэ 11 атрымалі раны.
А ў ноч на 11 студзеня ў нямецкім Гамбургу невядомыя кінулі бутэльку з запальнай сумессю ў офіс рэдакцыі Hamburger Morgenpost, якая раней перадрукавала скандальна вядомыя карыкатуры з французскага выдання.