Самы вялікі гатэль ў Горадне выставяць на таргі

Прынятая пастанова выставіць на таргі гатэльна-рэстаранны комплекс «Гродна», які знаходзіцца ў гарадской камунальнай уласнасці.

16-павярховы будынак 1985 пабудовы мае патрэбу ў мадэрнізацыі. Сёння асноўная частка памяшканняў гатэлю здаецца ў арэнду. У той жа час выставіць аб'ект на аўкцыён плануецца менавіта як гатэльны комплекс. Горадня па-ранейшаму мае патрэбу ў месцах для размяшчэння гасцей горада, турыстаў, паведамляе БелТА.

Як патлумачыў старшыня Гарадзенскага гарвыканкама Мечыслаў Гой, цяпер праводзіцца пераацэнка фондаў гатэльна-рэстараннага комплексу "Гродна". Аб'ект плануецца выставіць на першы аўкцыён у сакавіку.

Таксама плануецца знайсці новага гаспадара і другой знакавай гарадзенскаму гатэлю «Беларусь». Наконт яго таксама ёсць зацікаўленасць інвестараў. Гатэль плануецца выставіць на аўкцыён ў другой палове года.

На думку Уладзіміра Краўцова, такія аб'екты павінна эксплуатаваць профільныя арганізацыі, таму ў вобласці зацікаўленыя прадаць будынкі менавіта інвестарам, якія маюць досвед вядзення гатэльнага бізнесу. З ягоных слоў, ёсць зварот і з нагоды аднаго, і з нагоды іншага аб'екта. Гэта як замежныя, так і беларускія кампаніі.

Як правіла, уладальнікі гатэляў зацікаўленыя атрымаць і абслугоўваць цэлы комплекс, уключаючы рэстарацыі, што прымыкаюць да жылога фонду. Таму з вялікай доляй імавернасці выстаўляцца на гандаль кожны з аб'ектаў з рэстарацыямі і кавярнямі будзе адзіным лотам.

Уладзімір Краўцоў падкрэсліў, што вобласць гатовая сур'ёзна працаваць з інвестарамі, якія хочуць весці тут турыстычны бізнэс. Гэта ў тым ліку спрыяе павышэнню турыстычнай прывабнасці вобласці і горада над Нёманам, наладжванні бізнэс-сувязяў.