Гандляванні на Маскоўскай біржы спынілі праз збой

Для выпраўлення збою быў праведзены перазапуск гандлёвай сістэмы.

Гандляванні на тэрміновым рынку Маскоўскай біржы былі прыпыненыя з 14:00 да 14:50 паводле менскага часу, гаворыцца ў паведамленні біржы. Для выпраўлення збою быў праведзены перазапуск гандлёвай сістэмы, піша Lenta.ru.

Сістэма стала даступная для зняцця заявак з 14:22, а ў 14:50 таргі былі адноўленыя. На астатніх пляцоўках біржы таргі праходзілі ў штатным рэжыме.

Папярэдні збой на тэрміновым рынку Маскоўскай біржы адбыўся 14 кастрычніка 2014 года. Тады біржа прыпыняла гандляванні пасля выяўлення некарэктнай апрацоўкі гандлёвай сістэмай адной з угод. У працы сервераў распаўсюджвання біржавай інфармацыі была выяўленая памылка.

30 ліпеня ў выніку тэхнічнага збою ў асноўным сектары таргоў біржы было парушанае штатнае функцыянаванне гандлёва-клірынгавай сістэмы, таргі таксама былі прыпыненыя.

Такія збоі ў працы Маскоўскай біржы адбываліся і раней. Самы значны здарыўся ў красавіку 2012 года, калі таргі не аднаўляліся больш за дзве гадзіны. У 2013-м збояў было некалькі - у лістападзе з тэхнічных прычын спыняла працу секцыя тэрміновых таргоў, а ў траўні прыпыняліся аперацыі ў асноўнай секцыі.