Каля рэзідэнцыі Аланда збілі паліцэйскага

У Парыжы кіроўца наўмысна ўчыніў наезд на жанчыну-паліцэйскага.

Інцыдэнт адбыўся каля рэзідэнцыі французскага прэзідэнта Франсуа Аланда. Пра гэта паведамляе Lenta.ru са спасылкай на Reuters.

Цяпер вядома, што жанчына атрымала траўмы. Аднак ступень іх цяжкасці не ўдакладняецца. Паводле інфармацыі агенцтва, паліцыя арыштавала двух чалавек.

Пакуль не ясна, наколькі гэты інцыдэнт звязаны з серыяй нападаў тэрарыстаў на Францыю 7-9 студзеня, у выніку якіх загінулі 17 чалавек.

Раніцай 7 студзеня быў учынены напад на рэдакцыю часопіса Charlie Hebdo: тры узброеных чалавекі ўварваліся ў будынак і расстралялі 12 чалавек, яшчэ 11 былі параненыя. Падазраваныя - браты Саід і Шэрыф Куашы - праз два дні былі знішчаныя падчас спецаперацыі ў адным з гарадкоў непадалёк ад Парыжа. Трэці падазраваны, Хамід Мюрад, добраахвотна здаўся паліцыі.

9 студзеня тэрарыст Амед Кулібалі захапіў у закладнікі наведвальнікаў кашэрнага супермаркета ў французскай сталіцы і паспеў застрэліць чатырох з іх, перш чым быў забіты. Пасля высветлілася, што менавіта Кулібалі прадаставіў братам Куашы зброю для нападу на рэдакцыю Charlie Hebdo.

Фота: AFP