Франк-Вальтэр Штайнмаер: Пагроза вайны ў маштабах Еўропы захоўваецца

Міністр замежных спраў ФРГ Франк-Вальтэр Штайнмаер мяркуе, што пагроза вайны ва ўсёй Еўропе праз канфлікт вакол Украіны захоўваецца.

"Небяспека, якая зыходзіць ад гэтага канфлікту, далёка не знятая", - папярэдзіў ён у інтэрв'ю газеце Hannoversche Allgemeine Zeitung, паведамляе Deutsche Welle.

Міністр выказаў занепакоенасць магчымасцю новай эскалацыі ўзброенага канфлікту ва Украіне. Ён адзначыў, што сітуацыю можна разрадзіць толькі ў тым выпадку, калі і Расея, і Украіна будуць па-сапраўднаму зацікаўлены ва ўсталяванні трывалага перамір'я. "Абодва бакі павінны зразумець, што вайсковага ўрэгулявання гэтага канфлікту быць не можа", - сказаў Штайнмаер.

У сувязі з чым ўрад ФРГ будзе рабіць усё магчымае, каб "не дапусціць новага рэцыдыву буйнамаштабнай ўзброенай канфрантацыі".

Штайнмаер адзначыў, што праз вялікую колькасці неўрэгуляваных пытанняў хуткага прагрэсу ў справе ўрэгулявання крызісу ва Украіне быць не можа. "Праблема заключаецца ў тым, што мы павінны адначасова размаўляць аб дэмаркацыі лініі спынення агню, аб адводзе цяжкіх узбраенняў і замежных байцоў, доступе да гуманітарнай дапамогі і абмене палоннымі - і ўсё гэта ў сітуацыі, калі становішча людзей на ўсходзе Украіны штодня пагаршаецца праз зіму", - адзначыў міністр.

Ён паказаў, што таму "прагрэс будзе дасягацца толькі маленькімі крокамі". Гэта "неверагодная блытаніна", - рэзюмаваў ён.

Напярэдадні прэзідэнт Украіны Пётр Парашэнка падпісаў указ аб правядзенні трох хваляў мабілізацыі ў 2015 годзе. Мабілізацыя будзе праводзіцца пачынаючы з 20 студзеня і будзе доўжыцца 90 дзён - да красавіка. Колькасць мабілізаваных складзе 50 тысяч чалавек.