Ёханэс Бо выйграў спрынт на этапе Кубка свету ў біятлоне

Беларус Юрый Лядаў - на 20 месцы.

Нарвежскі біятланіст Ёханэс Бо стаў пераможцам мужчынскай спрынтэрскай гонкі на 10 км з двума агнявымі рубяжамі, якая сёння адбылася на 5-м этапе Кубка свету ў нямецкім Рупольдынгу, паведамляе БелТА.

Вынік пераможцы - 23 мін 59,2 сек, які ён паказаў пры беспамылковай стральбе на агнявых рубяжах. Другое месца заняў немец Сымон Шэмп, таксама без промахаў які правёў стралковыя сесіі, але які саступіў Ёханэс Бо 24,5 сек. Бронзавая ўзнагарода дасталася яшчэ аднаму прадстаўніку Нямеччыны Арнд Пайферу (57,9 сек; 1 промах).

Лепшым сярод беларускіх страляючых лыжнікаў аказаўся Юрый Лядаў, які не запрацаваў ні аднаго штрафнога круга, і, саступіў пераможцу 1 мін 38,8 сек, заняў 20-е месца. На 28-й пазіцыі фінішаваў Уладзімір Чапелін (1 мін 55,3 сек; 2 промахі), на 48-й - Раман Елетноў (2 мін 43,9 сек; 2), на 59-й - яшчэ адзін дэбютант Кубка свету гэтага сезона Дзмітрый Абашаў (2 мін 59,9 сек; без промахаў). Усяго да фінішу дабраліся 99 спартоўцаў.

У актыве беларускіх біятланістаў на этапе Кубка свету ў Рупольдынгу дзве сярэбраныя ўзнагароды. Спачатку 2-е месца ў эстафетнай гонцы 4х6 км заняла жаночая каманда (Надзея Скардзіна, Ірына Крыўко, Надзея Пісарава, Дар'я Домрачава). Напярэдадні Дар'я Домрачава выйграла срэбра ў спрынце на 7,5 км.

Завершаць праграму пятага кубкавага этапу 18 студзеня дзве гонкі з мас-старту. Жанчыны адправяцца на дыстанцыю 12,5 км а 14.30 паводле менскага часу, а мужчыны стартуюць на 15-кіламетровай дыстанцыі а 17.30.