Навукоўцы паспяхова выпрабавалі «эліксір маладосці»

Швейцарскія навукоўцы выпрабавалі ген, які пасля ўвядзення ў арганізм пладовай мушкі падоўжыў яе жыццё ў паўтара разы.

Вынікі сваіх даследаванняў аўтары апублікавалі ў часопісе Cell, а коратка пра іх паведамляе выданне The Daily Mail.

Навукоўцы забяспечылі муху тканінамі, якія змяшчаюць дадатковыя копіі гена пад назвай ahuizotl. Увядзенне такога «эліксіра маладосці» прывяло да таго, што ў кузуркі актывізавалася разбурэнне хворых і пашкоджаных клетак, а працягласць жыцця кузуркі павялічылася на 50-60 працэнтаў, піша Lenta.ru.

«Захаванне здаровых клетак у канкрэтных тканінах і знішчэнне хворых па-за залежнасцю ад стану здароўя з'яўляецца стратэгіяй, якая, відавочна, паспяхова працуе ў многіх выпадках, і існуе і ў млекакормячых», - сказаў Эдуарда Марэна з Бернскага ўніверсітэта, спецыяліст у клетачнай біялогіі і кіраўнік экспэрыменту.

У людзей таксама выяўлены ген ahuizotl. У выпадку, калі высновы ў дзеянні гена на арганізм мухі распаўсюджваюцца на чалавека, яго ўвядзенне ў арганізм людзей можа павялічыць іх сярэднюю працягласць жыцця да 120 гадоў.

Сваю назву ген атрымаў у гонар сабакападобнага персанажу ацтэкскага міфа. Істота жыла ў вадзе і абараняла насельнікаў возера ад людзей, выносячы апошніх углыб вадаёма.