Пінскія «дэпутаты» скасавалі ўведзеную імі ж матэрыяльную дапамогу
5- 19.01.2015, 16:34
- 9,648
Пінскі гарсавет прыняў пастанову скасаваць уласнае рашэнне, увод цэлага шэрагу выплат матэрыяльнай дапамогі насельніцтву.
30 снежня 2014 г «дэпутаты» прынялі адпаведную пастанову №33 «Аб прызнанні страціўшай сілу пастанове Пінскага гарадскога Савета дэпутатаў ад 30 траўня 2008 года №62», піша мясцовае выданне ipinsk.by.
Нагадаем, што скасаваная пастанова, прынятая ў 2008 годзе, ўводзіла цэлы шэраг плацяжоў для аказання матэрыяльнай дапамогі насельніцтву:
- Да 30 базавых велічынь грамадзянам, якія пацярпелі ад стыхійных бедстваў, экалагічных катастроф, эпідэмій, пажараў;
- Да 20 базавых велічынь, грамадзянам у выпадках прычынення шкоды здароўю ці маёмасці;
- Да 10 базавых велічынь грамадзянам, якія перажываюць матэрыяльныя цяжкасці, якія аб'ектыўна парушаюць іх нармальную жыццядзейнасць;
Грошы на гэтыя выплаты павінны былі быць прадугледжаны гарадскім бюджэтам.