Польскія памежнікі знайшлі ў аўтамабілі беларуса 31 тысячу пачкаў цыгарэт
7- 19.01.2015, 18:42
- 22,191
47-гадовы жыхар Беларусі спрабаваў правезці праз зялёны канал найвялікшую за год кантрабандную партыю цыгарэт.
Беларус перасякаў польскую мяжу на сваім грузавіку. Аўтамабіль выклікаў некаторыя падазрэнні ў памежнікаў, таму яны прынялі рашэнне праверыць грузавік на прадмет кантрабанды. Разабраўшы прычэп, памежнікі выявілі ў ім двайную сценку, у якой беларус хаваў 31 тысячу пачкаў цыгарэт. Кантрабанду ацанілі ў 340 тысяч злотых. Партыя цыгарэт канфіскаваная, піша «Вечерний Гродно».
Кантрабандысту пагражае вялікі штраф і канфіскацыя аўтамабіля. Пакуль гэта самая вялікая за 2015 год партыя цыгарэт, якую жыхары Беларусі спрабавалі завезці ў Польшчу.