Паўстанцы захапілі палац прэзідэнта Емена ў Сане
- 20.01.2015, 17:32
- 5,454
У сталіцы Емена - Сане - узброеныя шыіцкія баевікі-хуці захапілі прэзідэнцкі палац.
Пра гэта паведамляе Lenta.ru са спасылкай на Reuters.
Раніцай 19 студзеня каля прэзідэнцкага палаца пачаўся бой паміж вайсковымі падраздзяленнямі і шыіцкімі паўстанцамі. Паводле відавочцаў, тыя, што ваявалі, ужывалі буйнакаліберныя кулямёты і мінамёты.
Раней баевікі абстралялі картэж прэм'ер-міністра краіны Халеда Махфуз Бахаха, нягледзячы на дасягнутае замірэнне паміж урадавымі войскамі і шыіцкімі паўстанцамі.
17 студзеня хуці выкралі кіраўніка адміністрацыі прэзідэнта Емена Ахмеда Авада бэн Мубарака, які павінен быў падаць кіраўніку дзяржавы праект новай Канстытуцыі.
Хуці - атрады шыіцкіх баевікоў, якія ваююць супраць урада Емена. Улады краіны заяўляюць, што іх падтрымлівае Іран, самі хуці гэта адмаўляюць.